ملک میں مختلف معذوریوں کا شکار افراد کی تعداد 7 لاکھ سے زائد

راولپنڈی(راحت منیر)پاکستان میں مختلف معذوریوں کا شکار افراد کی تعدادسات لاکھ 24 ہزار767ہے۔ پنجاب میں3 لاکھ81ہزار558، حکومت کا ہمت کارڈدینےکااعلان، معذور افراد کو ماہانہ 35سو روپے ملیں گے انچ ہزار نابینا افراد کو ماہانہ بارہ ہزاردینے کا فیصلہ،بیوروکریسی نے سرکاری محکموں سے1157معذور افراد کو نکال دیا ، 27 فروری2025تک کےرجسٹریشن ڈیٹا کے مطابق ان میں چار لاکھ96 ہزار340 مرد جبکہ دو لاکھ28ہزار 472خواتین ہیں۔پنجاب میں تین لاکھ 81ہزار 558 معذور افراد رجسٹرڈ ہیں جن میں دو لاکھ 61 ہزار569مرد اور ایک لاکھ 19ہزار 989خواتین ہیں، 24ہزار 132نابینا، 19ہزار 590گونگے بہرے، 23ہزار263ذہنی معذور اورمختلف جسمانی معذوروں کی تعدادتین لاکھ14ہزار573ہے،وفاقی دارالحکومت میں رجسٹرڈ معذور افراد کی تعداد12 ہزار 512ہے،8ہزار636مرد اور3ہزار876خواتین ہیں جن میں626نابینا،899گونگے بہرے، 1ہزار 339ذہنی معذور اورمختلف جسمانی معذوروں کی تعداد 9ہزار648ہے ،ادھرپنجاب حکومت نے12لاکھ معذور افراد کو ہمت کارڈ دینے کا اعلان کیا ہے وزیر اعلی مریم نوازنے معذور افراد کو کہا ہے وہ اپنی رجسٹریشن کرائیں۔