سندھ، مظاہروں، دھرنوں سےبرآمدی سامان کی ترسیل معطل، ایکسپورٹرز

فیصل آباد (نمائندہ جنگ) سندھ میں مرکزی سڑکوں پر جاری مظاہروں اور دھرنوں کے باعث برآمدی سامان کی ترسیل معطل ہونے سے اربوں روپے مالیت کے برآمدی آرڈرز منسوخ ہونے کا اندیشہ پیدا ہو گیا ہے۔ پاکستان ٹیکسٹائل ایکسپورٹرز ایسوسی ایشن کے چیئرمین سہیل پاشا کے مطابق عالمی مارکیٹ میں ساکھ داو پر اربوں کے برآمدی آرڈرز منسوخ ہونے کا خطرہ ہے پی ٹی ای اے کے وائس چیئرمین امیر احمد کا کہنا ہے کہ خام مال کی عدم دستیابی ، مینوفیکچرنگ متاثر ، جرمانہ دینانا پڑ یگا ،حکومت مسئلہ حل کرے سہیل پاشا کے مطابق صوبے کے مختلف اضلاع میں شاہرات کی بندش سے سینکڑوں برآمدی کنٹینرز راستے میں پھنسے ہوئے ہیں۔ انہوں نے مزید کہا ہے کہ برآمدی مصنوعات کی بروقت ترسیل میں تاخیر سے ایک طرف ملک کو خطیر مالی نقصان کا سامنا ہے اور دوسری طرف عالمی مارکیٹ میں پاکستانی ایکسپورٹرز کی ساکھ داو پر لگی ہوئی ہے۔