بلاول بھٹو زرداری سے میئر کراچی اور دیگر شخصیات کی ملاقاتیں

کراچی (اسٹاف رپورٹر)پاکستان پیپلز پارٹی کے چیئرمین بلاول بھٹو زرداری سے کراچی کے میئر مرتضی وہاب اور دیگر کی بلاول ہاؤس میں ملاقاتیں ،میر کراچی نے بلاول بھٹو کو شنگھائی کے میئر گونگ ژی ژینگ کی جانب سے ملنے والی دورے کی دعوت کے سلسلے میں بریفنگ دی ، پیپلزپارٹی کے چیئرمین بلاول بھٹو زرداری سے پی پی پی آزاد جموں و کشمیر کے جنرل سیکریٹری اور ریاست کے وزیر برائے بلدیاتی امور فیصل راٹھور نے بلاول ہاس میں ملاقات کی اور اپنے محکمے کی کارکردگی سے متعلق بریفنگ دی۔ بلاول بھٹو زرداری سے سندھ حکومت میں محکمہ امور تعلیم کے وزیر سردار شاہ نے بلاول ہاس میں ملاقات کی اور اپنے محکمے کی کارکردگی سے متعلق بریفنگ دی۔