پی ٹی آئی سے باضابطہ سیاسی اتحاد نہیں ہو رہاہے، جے یو آئی سینیٹر

کراچی (ٹی وی رپورٹ) جیوکے پروگرام ʼʼکیپٹل ٹاک‘‘میں میزبان حامد میر سے گفتگو کرتے ہوئے جے یوآئی سینیٹر کامران مرتضیٰ نے کہ ہے کہ پی ٹی آئی سے باضابطہ سیاسی اتحاد نہیں ہو رہا۔جے یو آئی کا احتجاج پرامن ہے وزیراعظم کے مشیر برائے سیاسی امور رانا ثناء اللہ نے کہا ہے کہ سندھ حکومت کے ساتھ بات چیت جاری ہے اور وہ چاہتے ہیں کہ اتفاق رائے کے ساتھ معاملہ آگے بڑھایا جائے۔ شرجیل میمن سے رابطہ ہوا جو حوصلہ افزا رہا۔ جے یو آئی کے دھرنے سے عوام کو مشکلات کا سامنا ہے، ان سے سڑک کھولنے کی درخواست کی گئی ہے۔صوبائی وزیر اطلاعات شرجیل میمن نے کہا کہ احتجاج سب کا حق ہے مگر سڑکیں بند نہ کی جائیں۔ کراچی کا نظام متاثر ہو چکا ہے۔ پیپلز پارٹی نے منصوبے پر تحریری اعتراض جون میں جمع کرا دیا تھا جبکہ دیگر جماعتیں بعد میں جاگیں۔ انہوں نے مسلم لیگ ن کے کچھ لیڈران کے بیانات کو غیر سنجیدہ قرار دیا ۔کینالز کا کام ابھی شروع نہیں ہوا مگر کچھ عناصر عوام کو گمراہ کر رہے ہیں۔میزبان حامد میر نے اپنے تجزیئے میں کہا کہ سینیٹ اجلاس میں چھ نئی نہروں کے معاملے پر شدید ہنگامہ ہوا، اجلاس ملتوی کرنا پڑا۔ وزیراعلیٰ سندھ مراد علی شاہ نے واضح کیا کہ کسی صورت یہ نہریں تعمیر نہیں ہونے دیں گے۔