اسٹاک مارکیٹ،منافع کی خاطر فروخت کے دبائو سے مندی،1204پوائنٹس کی کمی

کراچی (نمائندہ جنگ)پاکستان اسٹاک ایکس چینج، منافع کی خاطر فروخت کے دباو سے مارکیٹ میں مندی کی بڑی لہر ،کے ایس ای100انڈیکس میں 1204 پوائنٹس کی کمی،ایک لاکھ 18ہزار کی نفسیاتی حد برقرار نہ رہی، 60.39 فیصد کمپنیوں کے شیئرز کی قیمت کم ہو گئی،سرمایہ کاری مالیت 103 ارب 82 کروڑ 72 لاکھ روپے گھٹ گئی،کاروباری حجم 18.31 فیصد کم رہا، تفصیلات کے مطابق کاروباری ہفتے کے تیسرے روز مارکیٹ میں ٹریڈنگ کا آغاز تیزی پر ہوا جس کے بعد 100انڈیکس میں 381 پوائنٹس تک کااضافہ ریکارڈ کیا گیا تاہم پہلے ہی ہاف میں فروخت کے دباؤ سے صورتحال بدل گئی اور اہم سیکٹرز میں فروخت بڑھنے سے ایک موقع پر انڈیکس 1310 پوائنٹس کی کمی سے ایک لاکھ 18 ہزار کی حد سے نیچے آگیا اور اختتام پر کے ایس ای100انڈیکس 1204.21 پوائنٹس کی کمی سے 118430.35 پوائنٹس سے کم ہو کر 117226.15 پوائنٹس پر آکر بند ہوا،کے ایس ای30انڈیکس 383.53 پوائنٹس کی کمی سے 36019.66 پوائنٹس ہو گیا اور آل شیئرز انڈیکس 506.80 پوائنٹس کم ہو جانے سے 73365.85 پوائنٹس پر آگیا،مارکیٹ میں مجموعی طور پر 457 کمپنیوں کے شیئرز کا کاروبار ہو۔