فلسطینیوں کی نسل کشی پر مسلم حکمرانوں کی خاموشی لمحہ فکریہ ہے،جماعت اسلامی

کوئٹہ(پ ر)جماعت اسلامی بلوچستان کے بیان میں کہاگیا ہے کہ فلسطینیوں کا قتل عام صرف مسلمان ہونے کی بنیاد پر ہورہا ہے۔ فلسطینیوں کی نسل کشی پر مسلم حکمرانوں کی مجرمانہ خاموشی لمحہ فکریہ ہے الخدمت فاؤنڈیشن جماعت اسلامی نے پاکستانی عوام سے عطیات جمع کرکے فلسطینی عوام تک پہنچا دیے ہیں آئندہ بھی تعاون کا یہ سلسلہ جاری رہے گا یہودی مصنوعات کا بائیکاٹ وفروخت تاجرودکاندار سمیت عوام پر فرض ہے فلسطینی عوام سے اظہاریکجہتی اسرائیلی مظالم کے خلاف 26اپریل ہفتہ کو ملک بھر کی طرح بلوچستان میں بھی بھر پور ہڑتال کی جائیگی۔ تاجر برادری دکانداراورعوام سب ملکرقومی غیرت کامظاہرہ کرتے ہوئے فلسطین کے عوام کا ساتھ دینے اظہاریکجہتی اوراسرائیل کی درندگی کے خلاف آوازبلند کرنے کیلئے ہڑتال کو کامیاب بنائیں یہ سب کی مشترکہ ہڑتال ہے ۔ بیان میں مزید کہاگیا کہ جماعت اسلامی کے رابطے پر ملک بھر کی تاجر تنظیموں نے 26اپریل کی ہڑتال کی حمایت کی ہے۔ پارٹی تاجر تنظیموں کی جانب سے ہڑتال کی حمایت پر شکر گزار ہے ۔یہ ہڑتال کسی پارٹی تاجر تنظیموں کی نہیں بلکہ امت مسلمہ کی ہے مظلوم فلسطینی عوام سے اظہار یکجہتی کے لیے پوری قوم ملکر اس ہڑتال کوکامیاب بنائے۔ عوام غزہ فلسطین کے عوام کیساتھ اظہاریکجہتی کریں۔