ڈیرہ مراد جمالی‘ پیشی سے واپس آنے والوں پر فائرنگ‘3افراد زخمی

ڈیرہ مراد جمالی (نامہ نگار) ڈیرہ مراد جمالی میں پیشی سے واپس آنےوالے افراد پر مسلح افراد کی فائرنگ سے قبائلی رہنما سمیت تین افراد زخمی ہوگئے ،جن میں ایک کی حالت نازک بتائی جاتی ہے۔ واقعہ کے بعد پولیس نے علاقے کی ناکہ بندی کردی تاہم کوئی گرفتاری عمل میں نہیں آئی۔ پولیس کے مطابق ڈیرہ مراد جمالی میں پیشی سے واپس آنے والے افراد پر مسلح افراد کی فائرنگ سے ایک قبائلی رہنما اور بچے سمیت 2 راہگیر شدید زخمی ہو گئے۔ پولیس کے مطابق واقعہ کی وجہ پرانی دشمنی بتائی جاتی ہے۔