کوچہ شیر علی کا ٹیوب ویل ڈیڑھ ماہ سے خراب ،مکین پانی کو ترس گئے

کوئٹہ(اسٹاف رپورٹر )کوئٹہ کے علاقے کوچہ شیر علی جوائنٹ روڈ کے مکین ٹیوب ویل خراب ہونے کے باعث پانی کی بوند بوند کو ترس گئے ، واسا حکام کو بار بار آگاہ کیے جانے کے باوجود مسئلہ جوں کا توں ہے ۔،صوبائی دارالحکومت کوئٹہ کے گنجان آباد علاقے کوچہ شیرعلی جوائنٹ روڈ کوئٹہ کا ٹیوب ویل گزشتہ ڈیڑھ ماہ سے خراب ہونے کی وجہ سے علاقے میں پانی کی فراہمی مکمل طور پر بند ہونے کی وجہ سے مکینوں کو شدید مشکلات کا سامنا کرنا پڑ رہا ہے ، علاقہ مکینوں کے مطابق بار بار صورتحال سے آگاہ کیے جانے کے باوجود واسا حکام کی جانب سے مسئلے کا نوٹس نہیں لیا جارہا ، جس کی وجہ سے علاقہ مکینوں میں بے چینی پائی جاتی ہے ، علاقہ مکینوں نے تشویش کا اظہار کیا کہ صوبائی دارالحکومت کوئٹہ کے وسط میں واقع ہونے کے باوجود ٹیوب ویل ٹھیک نہ کیا جانا علاقے کو پانی کی عدم فراہمی انتہائی افسوسناک امر ہے ۔ علاقہ مکینوں نے حکومت اور واسا حکام سے مطالبہ کیا کہ مسئلے کا فوری نوٹس لیا اور ٹیوب ویل ٹھیک کراکے پانی کی فوری فراہمی کو یقینی بنایا جائے بصورت دیگر علاقہ مکین احتجاج پر مجبور ہوں گے ۔