بیو رو کریسی تقرر و تبادلے ؛ ضیاء الدین کاسی ڈائریکٹر فنانس این سی پی تعینات

اسلام آباد( رانا غلام قادر ) وفاقی بیو رو کریسی میں تقرر و تبادلے، چیف فنانس افسر آئی ٹی ڈویژن ضیاء الدین کاسی کو ڈائریکٹر فنانس این سی پی تعینات کیا گیا ۔ وہ پاکستان آڈٹ اینڈ اکائونٹس سروس کے گریڈ بیس کے افسر ہیں۔ ڈپٹی سیکریٹری، خزانہ ڈویژن (ملٹری فنانس وِنگ) علی احمد کا اسٹیبلشمنٹ ڈویژن کیا گیا تبادلہ منسوخ کیا گیا ۔ دریں اثناء سیکرٹری نجکاری کمیشن عثمان اختر باجوہ کو سیکرٹری نجکاری ڈویژن کا اضافی چارج تفویض کیا گیا ، عثمان اختر باجوہ کو اضافی چارج سیکرٹری نجکاری ڈویژن حماد شمیمی کے 27 اپریل سے 10 مئی تک غیر ملکی سرکاری دورے کے باعث تفویض کیا گیا ۔ اسٹیبلشمنٹ ڈویژن نے نوٹیفکیشن جاری کر دیے ہیں۔