کراچی کے موجودہ حالات دیکھ کر افسوس ہوتا ہے، شاہد خاقان

کراچی (اسٹاف رپورٹر) عوام پاکستان پارٹی کے سربراہ سابق وزیر اعظم شاہد خاقان عباسی نے کہا ہے کہ سندھ میں16سال سے پیپلزپارٹی حکومت ہے، یہاں پانی تک نہیں، ہمارے پہاڑی علاقے کے حالات کراچی سے بہتر ہیں، وہاں بجلی ہے،کراچی کے موجودہ حالات دیکھ کر افسوس ہوتا ہے، سیاستدانوں اور اسٹیبلشمنٹ کو ایک فورم پر بیٹھ کر کھلے مکالمے کرنے چاہئیں تاکہ قومی معاملات بند کمروں کی بجائے عوامی سطح پر شفاف انداز میں حل ہوسکیں۔ ان خیالات کا اظہار انہوں نے بدھ کوآئی بی اے یونیورسٹی میں طلبہ سے خطاب اور انکے سوالوں کے جواب دیتے ہوئے کیا۔بدھ کو شاہد خاقان عباسی نے کراچی میں مصروف دن گذارا، کراچی میں پارٹی رہنمائوں سے ملاقات میں تنظیم سازی کے امور پر تبادلہ خیال کیا جبکہ رات گئے انہوں نے شہر کے مختلف علاقوں میں عوامی ملاقاتیں کیں۔