ہسپتالوں کی نجکاری کیخلاف ینگ ڈاکٹرز کی ہڑتال جاری

راولپنڈی (خصوصی نمائندہ) ہسپتالوں کی نجکاری کیخلاف ینگ ڈاکٹرز ایسوسی ایشن کی طرف سے تینوں ہسپتالوں کی اوپی ڈی میں ہڑتال نویں ر وز بھی جاری رہی ۔ بے نظیر بھٹو ہسپتال ، ہولی فیملی اور راولپنڈی ٹیچنگ ہسپتال میں ہڑتال کی وجہ سے مریضوں اور لواحقین کو مشکلات کا سامنا رہا۔ ینگ ڈاکٹرز نے کہا کہ ہسپتالوں کی نجکاری کی گئی توغریب عوام سستے علاج سے محروم ہو جائیں گے ۔