جنگ مسلط کی گئی تو بھارت کو بدترین شکست دیں گے، اسامہ اشفاق سرور ، راجہ صغیر احمد

کلرسیداں(نمائندہ جنگ)وفاقی پارلیمانی سیکرٹری و ایم این اے راجہ اسامہ اشفاق سرور اور ایم پی اے راجہ صغیر احمد نے کلر سیداں میں استقبالیہ سے خطاب کرتے ہوئے کہا ہے کہ پہلگام واقعہ بھارت کا پلانٹڈ منصوبہ ہے جس کا مقصد پاکستان کو دباؤ میں لا کر اپنی چوہدراہٹ قائم کرنا ہے۔ انہوں نے کہا کہ بھارت ہوش کے ناخن لے پاکستان اس کی طفیلی ریاست نہیں ایٹمی قوت ہے۔ اگر ہم پر جنگ مسلط کی گئی تو بھارت کو بدترین شکست دیں گے ۔انہوں نے کہا کہ بھارت سندھ طاس معاہدہ یکطرفہ ختم نہیں کر سکتا ۔