سپیشلائزڈ ٹریننگ پروگرام کےپروبیشنری افسران کا ایف بی آر ہیڈکوارٹرز کا دورہ

اسلام آباد( کامرس رپور ٹر ) ایف بی آر کےان لینڈ ریونیو سروس کے 51ویں سپیشلائزڈ ٹریننگ پروگرام کےپروبیشنری افسران نے ایف بی آر ہیڈکوارٹرز کا دورہ کیا ، تربیتی مرحلے میں شامل42 افسران شامل ہیں ، ۔پروبیشنری افسران کا اجلاس چیئرمین ایف بی آر راشد محمودلنگڑیال کی زیر صدارت منعقد ہوا، جس میں ممبر ان لینڈ ریونیو (آپریشنز) ڈاکٹر حامد عتیق سرور اور ریونیو ڈویژن کے دیگر سینئر افسران نے بھی شرکت کی۔ملاقات کے دوران چیئرمین ایف بی آر نے پروبیشنری افسران کو خوش آمدید کہا اور ایف بی آر کے ڈھانچے، فرائض اور آپریشنل چیلنجز کے بارے میں ان کے خیالات سنے۔ انہوں نے افسران کی فیلڈ وزٹ کے دوران ابتدائی مشاہدے کو توجہ سے سنا اور محصولات کے حصول کی کوششوں میں ان کی بھرپور دلچسپی اور فعال شرکت کو سراہا۔چیئرمین ایف بی آر نے سرکاری ملازمت کے آغاز پر پروبیشنری افسران کے لیے نیک تمناؤں کا اظہار کیا اور امید ظاہر کی کہ افسران اپنی قابلیت سے ٹیکس ایڈمنسٹریشن کے شعبے میں اپنا مؤثر کردار ادا کریں گے۔پروبیشنری افسران نے ایف بی آر کے ادارہ جاتی نظام کو سمجھنے میں گہری دلچسپی ظاہر کی اور ٹیکس پالیسی اور اس کے نفاذ سے متعلق جامع سوالات کیے۔