مودی حکومت پاکستان کیلئے آئی ایم ایف امداد کی مخالفت کرے، بھارتی کانگریس

کراچی (نیوز ڈیسک) بھارتی کانفریس نے مودی حکومت سے مطالبہ کیا ہے کہ وہ پاکستان کیلئے آئی ایم ایف کی امداد کی مخالفت کرے۔ کانگریس جنرل سکریٹری جئے رام رمیش کا کہنا ہے کہ حکومت کو چاہیے کہ وہ پاکستان کے لیے مجوزہ اس امداد کے خلاف آواز بلند کرے۔جئے رام رمیش نے سوشل میڈیا پلیٹ فارم ’ایکس‘ کی گئی ایک پوسٹ میں لکھا ہے کہ ’’آئی ایم ایف نے اعلان کیا ہے کہ اس کی ایگزیکٹیو بورڈ کی میٹنگ 9 مئی 2025 کو منعقد ہوگی، جس میں ’لچک و پائیداری کی سہولت‘ کے تحت پاکستان کو ایک ارب 30کروڑ ڈالر کے نئے قرض کی گزارش پر غور کیا جائے گا۔‘‘ انہوں نے مزید کہا کہ ’’انڈین نیشنل کانگریس امید کرتی ہے کہ ہندوستان آئی ایم ایف کے ذریعہ پاکستان کے لیے مجوزہ اس مدد کی مضبوطی کے ساتھ مخالفت کرے گی۔‘‘