نئی تحقیقاتی ایجنسی NCCIA کے قواعد و ضوابط تیار

کراچی (اسد ابن حسن) نئی تشکیل شدہ نیشنل سائبر کرائم انویسٹی گیشن ایجنسی (NCCIA) کے اپنے قواعد و ضوابط تیار کر لیے گئے ہیں۔ مذکورہ قوانین پریونشن آف الیکٹرانک کرائم ایکٹ (پیکا ایکٹ) 2016 اور بعد کے ترمیم شدہ 2025 کے تناظر میں تیار کیے گئے ہیں۔ باوثوق ذرائع کے مطابق ایف آئی اے کے اپائنمنٹ، پروموشن اور ٹرانسفر (APT Rules) کے طرز پر اہم قوانین پر کام تیزی سے جاری ہے جسکے بعد وہ مسودہ سیکرٹری داخلہ، سیکرٹری خزانہ، سیکرٹری لاء اور فیڈرل پبلک سروس کمیشن کو بھیجا جائیگا۔ اسکے علاوہ مزید اس کام پر بھی مشاورت جاری ہے کہ پورے پاکستان میں مذکورہ ایجنسی کے کتنے دفاتر قائم کیے جائینگے۔