سندھ طاس معاہدہ، بھارتی اقدام چیلنج کرنیکی تیاری کر رہے ہیں، وزیر مملکت

لاہور (نیوز ایجنسیاں) وزیر مملکت برائے قانون و انصاف عقیل ملک نےکہا ہے کہ پاکستان بھارت کی طرف سے سندھ طاس معاہدہ معطل کیے جانے کے اقدام کیخلاف بین الاقوامی سطح پر کارروائی کرنے کی تیاری کررہا ہے، قانونی حکمت عملی پر مشاورت تقریباً مکمل ہو چکی ہے،بہت جلد فیصلہ کیا جائیگا کہ کس کیس پر کارروائی کی جائیگی اور ممکنہ طور پر ایک سے زیادہ راستے اختیار کیے جائینگے۔غیر ملکی خبر رساں ادارے سے گفتگو کرتے ہوئے وزیر مملکت نے کہا کہ اسلام آباد کم از کم تین الگ الگ قانونی آپشنز پر کام کر رہا ہے۔