کیف (این این آئی)یوکرین میں روسی فوجی آپریشن دوسرے ماہ سے جاری ہے۔دوسری طرف وائٹ ہائوس نے کہا ہے کہ روسی صدر ولادیمیر پوٹن کا کیف کوشکست دینے کا منصوبہ ناکام ہو گیا ہے۔میڈیارپورٹس کے مطابق وائٹ ہائوس کی ترجمان جین ساکی نے کہا کہ کریملن رہنما یوکرین کو شکست دینے میں ناکام رہے۔ انہوں نے مزید کہا کہ واشنگٹن یوکرین کو روس کے کسی بھی کیمیائی حملے کا مقابلہ کرنے کے لیے ساز و سامان فراہم کر رہا ہے۔انہوں نے یہ بھی واضح کیا کہ واشنگٹن یوکرین کی مدد کے لیے اضافی دو بلین ڈالر مختص کرے گا جو روس پر غیرمعمولی اقتصادی پابندیوں کے مسلسل نفاذ کا اشارہ ہے۔