کانگریس کے مودی پر وار ، بی جے پی کے جوابی بیانات ، سیاسی فضا مزید گرم

کراچی(رفیق مانگٹ) کانگریس مودی سرکار کی خارجہ پالیسی اور قومی سلامتی کے فیصلوں پر سوال اٹھا رہی ہے، بی جے پی ان الزامات کو سیاسی حربے کے طور پر مسترد کر رہی ہے،مودی کی ناکام خارجہ پالیسی کی وجہ سے بھارت عالمی سطح پر تنہائی کا شکار ہو گیا،پاکستان کے ساتھ تعلقات خراب ہونے کی وجہ سے خطے میں کشیدگی بڑھ گئی،کانگریس کا کہنا ہے کہ مودی کو پہلگام حملے کی پیشگی اطلاع تھی،اسی لئے دورہ کشمیر منسوخ کردیا تھا. جے پی کا کہنا تھا کہ آپریشن سندور کو چھوٹی سی جنگ کہہ کر کانگریس نے ہندوستانی فوج کی قربانیوں کی توہین کی،کانگریس کےصدر ملکارجن کھرگے نے کہا کہ جنگ بندی کے اعلانات سب سے پہلے واشنگٹن سے کیے گئے، جوبھارت کی خودمختاری پر سوالیہ نشان ہے۔کانگریس نے 11 مئی کو وزیراعظم کو خط لکھ کر پارلیمنٹ کا خصوصی اجلاس طلب کرنے کا مطالبہ کیا تھا۔