دوست ممالک نے ہمارے حق و سچ پر مبنی بیانیہ پر ساتھ دیا، عطا تارڑ

کراچی (اسٹاف رپورٹر) وفاقی وزیر اطلاعات و نشریات عطاء اللہ تارڑ نے کہا ہے کہ پاکستان کے دوست ممالک نے ہمارے حق و سچ پر مبنی بیانیہ پر ساتھ دیا، میڈیا ہائوسز اور سوشل میڈیا صارفین نے بیانیہ کی جنگ میں کلیدی کردار ادا کیا،بھارتی جارحیت پر پاکستان کی مسلح افواج نے بہادری، دلیری اور حکمت عملی کا ایسا مظاہرہ کیا جس سے دشمن پسپا ہوا۔ہفتہ کو کراچی میں مسلم لیگ (ن) کی کارکن ثمینہ قاسم کی نماز جنازہ میں شرکت کے بعد میڈیا سے گفتگو کررہے تھے۔ قبل ازیں عطاء اللہ تارڑ نے کراچی پی سی بی کے سابق چیف سلیکٹر اور سابق ٹیسٹ کرکٹر اقبال قاسم کی اہلیہ اور مسلم لیگ (ن) کی دیرینہ، نظریاتی و متحرک کارکن ثمینہ قاسم کی نماز جنازہ میں شرکت کی اور مرحومہ کو پارٹی کیلئے خدمات خراج عقیدت پیش کیا۔