اسرائیلی مظالم کےخلاف قرارداد کو ویٹو کرنا باعث افسوس ہے،مولانا لونی

کوئٹہ(آن لائن)جمعیت علمائے اسلام نظریاتی کے قائمقام امیر مولانا عبدالقادر لونی ،مرکزی جنرل سیکریٹری مفتی شفیع، سرپرست اعلیٰ مولانا ڈاکٹرشمس الھدیٰ، سیکریٹری اطلاعات عبدالستار شاہ چشتی،مرکزی سیکرٹری مالیات حاجی حیات اللہ کاکڑاوردیگر نے گزشتہ روزچودہ ممالک کے اجلاس میں غزہ میں جنگ بندی اوراسرئیلی مظالم کے خلاف قرارداد48 واں مرتبہ ویٹوکرنے کی مذمت کرتے ہوئے کہاہے کہ امریکہ فلسطینی مسلمانوں کی نسل کشی میں برابر کا شریک ہے۔ جس کی جتنی مذمت کی جائے کم ہے ۔انھوں نے کہاکہ مسلم دنیااسرائیل کے خلاف جہاد کا اعلان کرے ۔انہوں نے کہاکہ اب اسرائیلی مظالم کے خلاف واحد ذریعہ جہا دہے ۔امریکہ اور دیگر منافقانہ چہرہ بھی سب کے سامنے بے نقاب ہوگیا ۔انہوں نے کہاکہ مسلم ممالک اور حکمران متحد ہوجائیں اور اسرائیل کا راستہ روکنے کےلیے مل کر اقدامات کریں۔