اسرائیل نے حملے سے قبل ایران میں خفیہ ڈرون اڈہ بنایا

کراچی (نیوز ڈیسک) اسرائیل نے ایران پر حملے سے قبل تہران کے قریب خفیہ ڈرون اڈہ بنایا۔ ایرانی سرزمین پر موساد کمانڈوز کی کارروائیوں نے اسرائیلی حملے کو کامیاب بنانے میں کلیدی کردار ادار کیا۔ایرانی دفاعی نظا م مکمل غیر مؤثرکردیا ۔ اسرائیلی جہاز بغیر کسی مزاحمت ایرانی فضائی حدود میں اڑتے رہے۔ آپریشن کیلئے ہتھیار بردار گاڑیاں ایران اسمگل کی گئیں،اسرائیل نے موساد کارروائیوں کی ویڈیو جاری کردی۔ غیر ملکی خبررساں ایجنسی کے مطابق موساد نے ایران کے اندر مختلف اہم مقامات پر خفیہ کارروائیاں انجام دیں جن میں کھلے علاقوں میں موجود زمین سے فضا میں مار کرنے والے ایرانی میزائل سسٹمز کو گائیڈڈ ہتھیاروں سے نشانہ بنانا شامل تھا۔