ایف بی آر ،ڈیجیٹل پروڈکشن ٹریکنگ سسٹم کے نفاذ پر تیزی سے عملدرآمد کا فیصلہ

اسلام آباد( تنویر ہاشمی )ایف بی آر نے یکم جولائی سے ڈیجیٹل پروڈکشن ٹریکنگ سسٹم کے نفاذ میں تیزی لانےلانےکا فیصلہ کیا گیا ہے یہ اقدام آئی ایم ایف کیساتھ طے شدہ شرائط کے مطابق ہے، ایف بی آر کے مطابق انفورسمنٹ اقدامات نہ لینےکی صورت میں 700ارب کے نئے ٹیکس لگانا پڑتے ہیں۔ سگریٹ،سیمنٹ، پولٹری، مشروبات، کھاد اور ٹیکسٹائل سیکٹرکی نگرانی بڑھائی جارہی ہے۔ ٹوبیکو سیکٹرکی پیداوار اور فروخت کو ڈیجیٹل ٹریکنگ سسٹم سے مانیٹر کیا جائیگا، مختلف علاقوں میں قائم سگریٹ کےکارخانوں کی نگرانی ہوگی۔شوگرسیکٹر میں پیداوار کی نگرانی بہتر بنانے سے ٹیکس ریونیو میں39 ارب اضافہ ہوا ہے۔ چینی کے شعبے میں پیداوار کی انڈر رپورٹنگ ہو رہی تھی۔ذرائع کے مطابق ٹیکسٹائل سیکٹرکی بھی کیمروں کے ذریعے نگرانی کی جائےگی، ٹیکسٹائل سیکٹر میں15لاکھ گانٹھوں کی انڈر رپورٹنگ کا انکشاف ہوا ہے، سیلزٹیکس ریونیو کو جی ڈی پی کے5فیصد کے مساوی تک لے جایا جائیگا، آئی ایم ایف کیساتھ انفورسمنٹ اقدامات بڑھانے پر اتفاق کیا گیا، نئے مالی سال میں14ہزار 131ارب کے ٹیکس ہدف میں389ارب کے انفورسمنٹ اقدامات شامل ہیں، اس میں312ارب روپےکے اضافی ٹیکس اقدامات بھی شامل ہیں۔