اسحاق ڈار کا مصری وزیر خارجہ سے ٹیلیفونک رابطہ،خطے کی صورتحال پر تشویش کااظہار

اسلام آباد(نامہ نگار خصوصی)نائب وزیراعظم و وزیرخارجہ اسحٰق ڈار کا اپنے مصری ہم منصب بدر عبدالعاطی سے ٹیلیفونک رابطہ ہوا ہے جس میں دونوں وزرائے خارجہ نے ایران اسرائیل جنگ کےتناظر میں خطے کی صورتحال پر تشویش کا اظہار کیا۔ترجمان دفتر خاجہ کا کہنا تھا کہ دونوں وزرائےخارجہ نے ایران کے خلاف اسرائیلی جارحیت پر مذمت کا اظہار کیا اور خطے میں کشیدگی کم کرنے پر زور دیا۔دونوں رہنماؤں نے امن و استحکام کے لیے قریبی تعاون پر اتفاق اور خطے میں امن و امان کے قیام کے لیے مل کر کام کرنے کا عزم کیا۔