جناح میڈیکل کمپلیکس تعمیر؛ 100 فیصد شفافیت یقینی بنانے کی ہدایت

اسلام آباد( نیوز رپورٹر)وزیراعظم محمد شہباز شریف نے ہدایت کی ہے کہ جناح میڈیکل کمپلیکس پراجیکٹ کی تعمیر کے تمام مراحل میں 100 فیصد شفافیت یقینی بنایا جا ئے۔ وزیر اعظم نے یہ ہدایت گزشتہ روز جناح میڈیکل کمپلیکس اینڈ ریسرچ سینٹر کے حوالے سے منعقدہ جائزہ اجلاس کے دوران دی۔ وزیر اعظم نے کہا کہ جناح میڈیکل کمپلیکس پورے خطے کے لئے بہترین طبی سہولیات اور جدید ترین طبی تحقیق کے لئے آلات سے لیس ہسپتال ہو گا۔ جناح میڈیکل کمپلیکس کی تعمیر کے لئے 600 کنال اراضی کے حصول کا عمل تیزی سے جاری ہے ۔