فضائی حدود کی بندش، مودی کو جی 7 اجلاس سے واپسی پر3گھنٹے کا اضافی سفر کرنا پڑا

کراچی( افضل ندیم ڈوگر) بھارتی وزیراعظم نریندر مودی کو کینیڈا میں جی 7اجلاس کے بعد کروشیا کے راستے دہلی پہنچنے میں 3گھنٹے کا اضافی سفر کرنا پڑا۔ نریندر مودی جی 7اجلاس کے بعد تین ممالک کے دورے کے اخری مرحلے میں کروشیا کے دورے پر ذگریب پہنچے۔ جہاں انہوں نے 9 گھنٹے قیام کیا اور رات گئے کروشیا سے دہلی کیلئے روانہ ہوئے۔ نریندر مودی کے طیارے نے عام حالات میں عراق اور ایران کے بعد پاکستانی فضائی حدود سے پرواز کرتے ہوئے 3 گھنٹے کم وقت میں دہلی پہنچتے رہے مگر بھارت کیلئے پاکستانی فضائی حدود پہلے سے بند ہے اور ایران اسرائیل جنگ کی وجہ سے ایران عراق اور دیگر ممالک کی فضائی حدود کی بندش کے باعث انہیں طویل روٹ اختیار کرنا۔