ٹرمپ کی جنرل عاصم منیرسے ملاقات کے بعد بڑی پیشرفت،تجزیہ کار

کراچی (ٹی وی رپورٹ) جیوکے پروگرام ’’آج شاہزیب خانزادہ کے ساتھ ‘‘ میں میزبان نے تجزیہ پیش کرتے ہوئے کہا کہ ٹرمپ کی آرمی چیف جنرل عاصم منیر سے ملاقات کے بعد بڑی پیشرفت ہوئی ہے امریکی وزیر خارجہ مارکو روبیو سے وزیراعظم شہباز شریف کا رابطہ ہوا ہے اور وزیراعظم نے ٹرمپ کے لیے نیک خواہشات کا اظہار کیا وزیراعظم نے ایران اسرائیل بحران کے پرامن حل کی ضرورت پر زور دیتے ہوئے کہا کہ پاکستان مشرق وسطیٰ میں ہر امن کی کوششوں میں تعمیری کردار ادا کرنے کے لیے تیار ہے،میزبان شاہزیب خانزادہ نے کہا کہ ایران اسرائیل کے درمیان جنگ جاری ہے۔ ایرانی صحافی جو جون حسین نے کہا کہ ہم تہران کی سڑکوں پر موجود ہیں عام لوگوں کو دیکھیں گے عام ایرانیوں کی رائے بھی لیں گے۔ یہاں لوگ سکون سے بیٹھے ہوئے ہیں دوکانیں کھلی ہیں اور ہماری ایک ایرانی دوکاندار سے بات ہوئی جو ہزار اور ڈیڑھ ہزار کی ٹی شرٹس بیچ رہے تھے۔