امریکہ کا اپنے افغان نژاد شہری کی بازیابی میں مدد پر 50 لاکھ ڈالر انعام کا اعلان

واشنگٹن (جنگ نیوز) امریکہ نے طالبان کے ہاتھوں اغوا ہونے والے ایک افغان نژاد امریکی شہری کے بارے میں معلومات فراہم کرنے والے کو 50 لاکھ ڈالر تک انعام دینے کا اعلان کیا ہے۔ حکام کا کہنا ہے کہ وہ اس معاملے کو انتہائی سنجیدگی سے لے رہے ہیں اور طالبان سے اس شخص کی فوری رہائی کا مطالبہ کرتے ہیں۔ یہ اعلان امریکی محکمہ خارجہ کے ریوارڈ فار جسٹس پروگرام کے تحت کیا گیا، جس کا مقصد دہشت گردی کے متاثرین اور ان کے خاندانوں کے لیے انصاف کی فراہمی ہے۔ ابھی تک اغوا شدہ شخص کی شناخت اور اغوا کی تفصیلات مکمل طور پر منظر عام پر نہیں لائی گئی ہیں۔