پی آئی اے نے خلیجی ممالک کیلئے پروازیں معطل کردیں

کراچی(جنگ نیوز/ٹی وی رپورٹ)ایران کی جانب سے عراق اور قطر میں امریکی اڈوں پر میزائل حملے کے بعد پاکستان ایئر لائنز (پی آئی اے) نے خلیجی ممالک کے لیے پروازیں معطل کردیں۔ ترجمان پی آئی اے نےمقامی ٹی وی سے گفتگو کرتے ہوئے بتایا کہ پروازیں خلیجی ممالک کی کشیدہ صورت حال کے باعث ملتوی کی گئی ہیں۔ترجمان نے بتایا کہ پاکستان سے قطر، بحرین، کویت اور دبئی کیلئے فلائٹ آپریشن منسوخ کیا گیا۔