ترکیہ کا وفد اسلام آباد پہنچ گیا، آج وزارت خارجہ میں مذاکرات ہونگے

اسلام آباد(فاروق اقدس)نائب وزیراعظم و وزیر خارجہ اسحاق ڈار اور ترکیہ کے ایک اعلیٰ سطح کے وفد کے درمیان آج بدھ کو وزارت خارجہ میں مذاکرات ہونگے۔ ترک وزیر خارجہ حکان فدان کی سربراہی میں ترکیہ کا وفد منگل کو رات گئے اسلام آباد پہنچ گیا۔ترک وفد میں وزیردفاع یاشر گوولر بھی شامل ہیں جو اس سے قبل ترکیہ کے آرمی چیف بھی رہ چکے ہیں،بدھ کو اپنی اولین مصروفیات میں ترک وزیر خارجہ پاکستانی ہم منصب اسحاق ڈار سے ملاقات کرینگے اور بعد میں دونوں ملکوں کے اعلیٰ سطحی وفود باضابطہ مذاکرات کریں گے۔ذرائع کے مطابق امکانی طور پر ترک وزیر خارجہ اپنے وفد کے ہمراہ وزیراعظم شہباز شریف سے بھی ملاقات کرینگے۔