وفاقی بیوروکریسی اعلیٰ سطح پر تقرر و تبادلے ؛ امتیاز احمد اکنامک ایڈوائزر خزانہ تعینات

اسلام آ باد ( رانا غلام قادر ) وفاقی بیوروکریسی اعلیٰ سطح پر تقرر و تبادلے ، اسٹیبلشمنٹ ڈویژن نے نوٹیفکیشن جاری کر د یے، امتیاز احمد اکنامک ایڈوائزر خزانہ تعینات، سمیع اللہ ڈائریکٹر جنرل پاکستان پوسٹ تعینات، محمد عمران خان کو ایگزیکٹو ڈائریکٹر پوسٹل سٹاف کالج اسلام آباد لگایا دیاگیا۔تفصیلا ت کے مطابق اکانومسٹ گروپ کےگریڈ 22 کے چیف اکانومسٹ، پلاننگ ڈویلپمنٹ اینڈ سپیشل انیشیٹِوز ڈویژن امتیاز احمد کو تبدیل کر کے اکنامک ایڈوائزر، خزانہ ڈویژن جبکہ گریڈ 22 پوسٹل گروپ کے سمیع اللہ خان ڈائریکٹر جنرل، ڈائریکٹوریٹ جنرل پاکستان پوسٹ آفس ڈیپارٹمنٹ تعینات کئے گئے ۔سمیع اللہ خان 27 مارچ کو گریڈ 22 میں ترقی کے بعد باقاعدہ تقرری کے منتظر تھے۔ قبل ازیں سمیع اللہ خان کے پاس پاکستان پوسٹ میں ایڈیشنل ڈائریکٹر جنرل اکاونٹس اینڈ فنانس کے علاوہ ڈائریکٹر جنرل کا اضافی چارج بھی تھا۔ ان احکامات کے بعد تقرری کے منتظر پوسٹ ماسٹر جنرل سنٹرل پنجاب انوار احمد ملک گریڈ 21 میں ایڈیشنل ڈائریکٹر جنرل اکاونٹس اینڈ فنانس کا چارج سنبھالیں گے۔ دریں اثناء گریڈ 20 میں پوسٹماسٹر جنرل بلوچستان سرکل محمد عمران خان کو ایگزیکٹو ڈائریکٹر پوسٹل ستاف کالج اسلام آباد لگایا گیا ہے۔ انکی جگہ محمد خلیفہ چارج سنبھالیں گے۔