FPSC؛تعلیم، دفاع، داخلہ ،صحت کے شعبہ جات میں بھرتی عمل تیز کرنیکافیصلہ

اسلام آ باد ( رانا غلام قادر )فیڈرل پبلک سروس کمیشن نے ملک میں تعلیم، دفاع، داخلہ اور صحت کے اہم شعبہ جات میں بھرتی کے عمل کو تیز کرنے کا فیصلہ کیا ہے، فاسٹ ٹریک ذریعے گریڈ 16 سے 20 کے 32 بھرتی کیسز مکمل کئے جائینگے اورامیدواروں کو براہِ راست انٹرویوز کیلئے بلایا جائیگا۔ یہ فیصلہ فاسٹ ٹریک پیرالل اسٹریم تحت کیا گیا ۔ فیڈرل پبلک سروس کمیشن نے فاسٹ ٹریک سسٹم کا آغاز کر دیا ہے ، پہلے مرحلے میں بھرتی کے 32 کیسز فاسٹ ٹریک سکیم میں شامل کئے گئے ۔ فاسٹ ٹریک کے ذریعے گریڈ 16 سے 20 کے 32 بھرتی کیسز مکمل کئے جائیں گے۔ سکیم کے تحت امیدواروں کو انٹرویو سے ایک دن قبل دستاویزات کی جانچ کیلئے بلایا جائے گا۔ تفصیلات متعلقہ پروگرامز میں بذریعہ ایس ایم ایس یا ای میل فراہم کی جائیں گی۔ایف پی ایس سی کے مطابق فاسٹ ٹریک میں وزارتِ تعلیم، داخلہ، صحت، دفاع، مواصلات شامل ہیں۔ فاسٹ ٹریک میں شامل وزارتوں کی آسامیوں پر بھرتی کیلئے ایف پی ایس سی کی جانب سے امیدواروں کو براہِ راست انٹرویوز کیلئے بلایا جائے گا۔