پہلے مزاحمت پھر مفاہمت، لیکن بہتر مفاہمت ہی ہوتی ہے، پرویز الٰہی

اسلام آباد ( نمائندہ خصوصی ) پاکستان تحریک انصاف کے مرکزی صدر و سابق وزیراعلیٰ پنجاب چودھری پرویزالٰہی نے کہا ہے کہ پہلے مزاحمت پھر مفاہمت، لیکن بہتر مفاہمت ہی ہوتی ہے،ہمشیہ بہتری کی امید رکھنی چاہیے ، ملکی حالات بہتر ہوں گے۔ راولپنڈی میں احتساب کی خصوصی عدالت میں ریفرنس کی سماعت کے بعد میڈیا سےگفتگو کرتے ہوئے چودھری پرویزالٰہی نے کہا کہ ، مذاکرات سے کوئی نہ کوئی بہتر صورتحال نکل آتی ہے، مذاکرات سے متعلق تو پی ٹی آئی کی لیڈرشپ نے ایک خط بھی لکھا ہے اس کا تاحال کوئی جواب یا پیشرفت سامنے نظر نہیں آئی، آگے دیکھیں کیا ہوتا ہے۔ صحا فی کے اس سوال پر کہ بانی پی ٹی آئی کی رہائی کیلئے اب پانچ اگست کی کال دی گئی ، ایک طرف احتجاج ،دوسری طرف مذاکرات کی بات ہو رہی ہے کون سا راستہ درست ہے؟ چودھری پرویزالٰہی نے کہا کہ پہلے مزاحمت پھر مفاہمت ہوتی ہے تو مفاہمت ہی بہتر ہے۔اس سوال پرصدر تبدیل کرنے یا ہٹائے جانے متعلق بات چیت ہو رہی ہے، 27 ویں آئینی ترمیم لائی جا رہی ہے،اس پر چودھری پرویزالٰہی نے کہا اچھا! اوہو! یہ تو میں آپ سے سن رہا ہوں۔