ججز تبادلے ، سپریم کورٹ آئینی بینچ کے فیصلے کیخلاف انٹرا کورٹ اپیلیں دائر

اسلام آباد ( رپورٹ:،رانامسعود حسین) لاہور ہائی کورٹ بار ایسوسی ایشن اور لاہور بار کونسل نے دیگر ہائی کورٹوں کے تین ججوں کے اسلام آباد ہائی کورٹ میں تبادلے اور اسی کی روشنی میں مرتب کیگئی سینیارٹی لسٹ سے متعلق آئینی مقدمہ کے سپریم کورٹ کے پانچ رکنی آئینی بینچ کے 19 جون 2025 کے فیصلے کے خلاف انٹرا کورٹ اپیلیں دائر کر دی ہیں،اپیل گزاروں نے صدر مملکت ،وفاقی سیکرٹری قانون ،جوڈیشل کمیشن آف پاکستان وغیرہ کو فریق بناتے ہوئے موقف اپنایا ہے کہ سپریم کورٹ کا یہ فیصلہ آئین اور طے شدہ عدالتی اصولوں کے خلاف ہے،ججوں کی سنیارٹی طے کرنے کا مسلمہ طریقہ کار بھی موجود ہے اس لئے صدر مملکت کو سینیارٹی طے کرنے کی ہدایت کرنے کی آئین میں کوئی گنجائش ہی نہیں ،اپیل گزاروں نے عدالت سے آئینی بینچ کے 19 جون 2025 کے حکمنامہ کو کالعدم قرار دینے اورمقدمہ کے حتمی فیصلہ تک اس حکمنامہ کے نتیجہ میں ہونے والے تمام تر اقدامات معطل کرنے کی استدعا کی ہے۔