کے الیکٹرک وفاق سے سستی بجلی دستیاب ہونے کے باوجود نہیں لے رہی‘نیپرا

اسلام آباد (آئی ا ین پی)نیپرا نے کے الیکٹرک کی کارکردگی پر سوالات اٹھاتے ہوئے کہا ہے کہ کے الیکٹرک کی کارکردگی مسلسل بگڑ رہی ہے جس سے مالی مشکلات بڑھ رہی ہیں‘ اپریل میں بھی کے الیکٹرک نے پاور پلانٹس مکمل صلاحیت کے مطابق نہیں چلائے‘اس صورتحال سے بجلی کے پیداواری شعبے میں ناقص کارکردگی ظاہر ہوتی ہے‘ کے الیکٹرک وفاق سے سستی بجلی دستیاب ہونے کے باوجود بجلی نہیں لے رہا۔ اپریل میں بھی کے الیکٹرک نے وفاق سے 1600کے بجائے صرف 1014 میگا واٹ بجلی لی۔نیپرا کا کہنا ہے کہ وفاق سے سستی بجلی نہ لینے سے کے الیکٹرک کا مہنگی بجلی پر انحصار بڑھا ہے۔ممبر نیپرا ٹیکنیکل رفیق شیخ نے کہا ہے سسٹم میں بہتری لا کر صارفین پر بوجھ میں کمی لائی جا سکتی ہے ۔کے الیکٹرک آپریشنل کارکردگی میں بہتری کے لیے اقدامات کرے۔