گریڈ 19 افسران کے ایس ایم سی کورس کے لیے نامزدگیوں کی منظوری

اسلام آباد (رپورٹ: حنیف خالد) چیئرمین ایف بی آر راشد محمود لنگڑیال نے گریڈ 19 یا مساوی عہدوں پر فائز افسران کو نیشنل انسٹیٹیوٹ آف پبلک ایڈمنسٹریشن (نِپا) میں 38ویں سینئر مینجمنٹ کورس (SMC) کے لیے نامزد کر دیا ہے، جو کہ 14 جولائی 2025 سے 31 اکتوبر 2025 تک اسلام آباد، لاہور، کراچی اور پشاور میں منعقد کیا جا رہا ہے۔ جاری کردہ فہرست کے مطابق جن افسران کو کورس کے لیے منتخب کیا گیا ہے اُن میں سعد وقاص (جوائنٹ سیکریٹری، وزیر اعظم آفس)، اور محمد شکیل انور (سیکریٹری، ایف بی آر ہیڈ کوارٹرز) شامل ہیں۔ نِپا لاہور میں ازہر جہانگیر (ایڈیشنل کمشنر، ایل ٹی او لاہور)، مصباح نواز، رُخسانہ عارف، سحر آفتاب بٹ، اور عائشہ رانجھا کو نامزد کیا گیا ہے، جو مختلف ریونیو اتھارٹیز اور اداروں سے تعلق رکھتی ہیں۔ نِپا پشاور میں نامزد افسران میں نوید مختار، عائشہ دلشاد، خان فیصل، قادر نواز، اور ریاض خان شامل ہیں، جبکہ نِپا کراچی میں ممتاز علی تھیبو، ناہید لاکو اور سعدیہ علی اکرم کورس میں شرکت کریں گے۔