ژوب میں اغوا کاروں کی فائرنگ سے جاں بحق ہونے والوں میں دنیا پور کے دو بھائی بھی شامل

لودھراں(رجب علی مرزا سے) ژوب میں بس کے مسافر اغوا ،اغوا کئے گئے افراد میں سے دو کا تعلق لودھراں کی تحصیل دنیاپور سے ہے ذرائع کے مطابق اغوا کاروں نے 9 مسافروں کو قتل کردیا ، جاں بحق مسافروں کی میتوں کو رات گئے رکھنی ہسپتال منتقل کردیا گیا ہے اغوا کیے گے مسافروں میں لودھراں کی تحصیل دنیاپور کے رہائشی عثمان طور اورجابر طور دونوں سگے بھائی ہیں دونوں بھائی روزگار کے سلسلے میں عرصہ دراز سے کوئٹہ میں مقیم تھے دونوں بھائی اپنے والد کی وفات پر نماز جنازہ میں شرکت کے لیے گھر آرہے تھے والد کی صبح 9 بجے نماز جنازہ ہے اغوا کی اطلاع ملتے ہی مغویان عثمان اور جابر کے گھر میں کہرام مچ گیا دونوں بھائیوں کے اغوا کی اطلاعات شہر میں جنگل کی آگ کی طرح پھیل گئی ، عثمان اور جابر کے بھائی کے مطابق انہیں اطلاع ملی ہے کہ مبینہ طور پر ان کے بھائیوں کو شہید کردیا گیا ہے۔