زر مبادلہ کے ذخائر 20 ارب ڈالر سے بڑھ گئے

کراچی ( اسٹاف رپورٹر)ملکی زر مبادلہ کے ذخائر 20 ارب ڈالر سے بڑھ گئے،اسٹیٹ بینک آف پاکستان کی جانب سے جاری اعداد و شمار کے مطابق گذشتہ ایک ہفتے میں مرکزی بینک کے زر مبادلہ ذخائر ایک ارب 77 کروڑ 40 لاکھ ڈالر کےاضافے سے 14 ارب 50 کروڑ 22 لاکھ ڈالر ہو گئے ہیں ،کمرشل بینکوں کے پاس اس وقت 5 ارب 52 کروڑ 65 لاکھ ڈالر کے زر مبادلہ ذخائر موجود ہیں اس طرح 4 جولائی کو ختم ہونے والے ہفتے کے اختتام پر ملک کے مجموعی زر مبادلہ ذخائر 20 ارب 2 کروڑ 87 لاکھ ڈالر ہو گئے ہیں۔