ہاؤس کی حرمت پر جو طے ہوگا لکھ کر ہوگا، اسپیکر پنجاب اسمبلی

لاہور(نمائندہ خصوصی)سپیکر پنجاب اسمبلی ملک محمد احمد خان نے26ارکان کی معطلی کے حوالے سے کہا ہے کہ ہاؤس کی حرمت پر جو طے ہوگا لکھ کر ہوگا،رولز کے تحت اپوزیشن کے ارکان کو معطل کیا گیا، ارکان کی معطلی پر آئینی سوال اٹھے ہیں تو درخواستیں بھیجوں گا، ریفرنس نہیں ہو گا۔پنجاب اسمبلی میں سینئر صحافیوں سے گفتگو کرتے ہوئے سپیکر پنجاب اسمبلی ملک محمد احمد خان نے مزید کہا کہ بارہ پندرہ روز میں بات چیت ہوئی کہ نااہلیت پر اسپیکر ریفرنس بھیج رہے ہیں، اسپیکر نااہلی کا فیصلہ نہیں کرتا تو 30 دن بعد معاملہ الیکشن کمیشن چلا جاتا ہے،نہ یہ ریفرنس ہے نہ میری خواہش ہے۔