چین اور بھارت کے وزرائے خارجہ کی بیجنگ میں ملاقات

بیجنگ( اے ایف پی) چین اور بھارت کے وزیر خارجہ سبرامنیم جے شنکر نے پیر کو اپنے چینی ہم منصب وانگ یی سے بیجنگ میں ملاقات کی-اس موقع پر دونوں ملکوں میں تعلقات کو بہتر بنانے پر اتفاق ہوا-سرکاری خبر رساں ایجنسی ژنہوا کے مطابق چین کے وزیر خارجہ وانگ یی نے اپنے ہندوستانی ہم منصب سبرامنیم جے شنکر سے بات چیت کے بعد کہا کہ بیجنگ اور نئی دہلی کو باہمی اعتماد اور تعاون کے لیے کام کرنا چاہئے اور دونوں ملکوں کو اچھی ہمسائیگی،دوستی،باہمی احترام اور اعتماد کے راستے کی جانب بڑھنا چاہئے جو پرامن بقائے باہمی، مشترکہ ترقی کیلئے ہو-واضح رہے کہ دونوں حریف اپنی سرحد پر 2020 میں ہونے والی جھڑپ کے بعد تعلقات کو ٹھیک کرنا چاہتے ہیں۔