کوہستان کرپشن اسکینڈل کی تحقیقات کیلئے گنڈا پور سے استعفیٰ کیا جائے، پی پی

اسلام آباد (این این آئی)خیبر پختونخوا کوہستان کرپشن اسیکنڈل ، پیپلز پارٹی نے شفاف تحقیقات کیلئے وزیراعلیٰ کے استعفے کا مطالبہ کر دیا ۔ نیئر حسین بخاری نے کہاکہ ثابت شدہ کرپشن اسکینڈلز کے مجرمین کے خلاف کارروائیاں نہ ہونا صوبائی حکومت کی آشیرباد کے مترادف تھا، شفاف تحقیقات کیلئے وزیراعلی فوری استعفے دے،یہ ہے تبدیلی ،صوبہ خیبر پختونخواہ کرپشن کا گڑھ بنا دیا گیا ہے۔ اپنے بیان میں انہوںنے کہاکہ انسداد بدعنوانی کے دعویدار مددگار بدعنوانی نکلے،سرکاری وسائل عوامی فلاحی منصوبوں پر خرچ کرنے کی بجائے زاتی تجوریاں بھرنے والوں کا احتساب بھی ہوگا اور حساب بھی ۔