دمشق ، وزارتِ دفاع و صدارتی محل کے قریب اسرائیلی بمباری ،1جاں بحق ، 18زخمی

دمشق(جنگ نیوز) اسرائیلی فوج نے شام کے دارالحکومت دمشق میں وزارتِ دفاع اور صدارتی محل کے قریب فضائی حملے کیے ہیں۔شام کی سرکاری خبر رساں ایجنسی نے وزارتِ صحت کے حوالے سے بتایا ہے کہ ان حملوں کے نتیجے میں ایک شخص ہلاک اور 18 افراد زخمی ہوئے ہیں۔ یہ حملے جنوبی شہر سویدا میں شامی افواج پر جاری اسرائیلی حملوں کا تسلسل ہیں۔اسرائیل کی جانب سے یہ حملے ایسے وقت میں کیے گئے ہیں جب اس نے دھمکی دی تھی کہ اگر شامی حکومت نے اپنی افواج جنوبی علاقوں سے نہ ہٹائیں تو حملوں میں شدت لائی جائے گی۔