روس نے یوکرین جنگ سے متعلق امریکی دھمکی مستردکردی

ماسکو(نیوزڈیسک)روس نے امریکی صدر ڈونلڈ ٹرمپ کی جانب سے یوکرین جنگ کے خاتمے کے لیے پچاس روز کی مہلت اور بصورت دیگر سو فیصد تجارتی محصولات عائد کرنے کی دھمکی کو مسترد کرتے ہوئے اسےناقابل قبول قرار دیا ہےروس کاکہنا ہے کہ یورپی یونین کی جانب سے امریکی صدر پر یوکرین کو مزید ہتھیاردینے کیلئے دباؤڈالا جا رہا ہے۔ہم دباؤمیںنہیں آئیں گے ،کسی بھی نئی پابندی کاسامناکرنے کیلئے مکمل طور پر تیار ہیں۔ غیرملکی میڈیا رپورٹس کے مطابق روسی وزیر خارجہ سرگئی لاوروف نے گزشتہ روز شنگھائی تعاون تنظیم (ایس سی او) کے وزرائے خارجہ اجلاس کے بعد میڈیا سے گفتگو کرتے ہوئے کہا کہ روس اس طرح کے دباؤ میں آنے والا ملک نہیں اور وہ کسی بھی نئی پابندی کا سامنا کرنے کے لیے مکمل تیار ہے۔