روسی تیل خریدنے پر نیٹو کی بھارت، برازیل اور چین کو تنبیہ

برسلز(نیوز ڈیسک)نیٹو کے سیکرٹری جنرل مارک رٹے نے چین، بھارت اور برازیل کے رہنماؤں کو خبردار کیا ہے کہ اگر انہوں نے روس کے ساتھ تجارت، تیل اور گیس کی خرید و فروخت بند نہیں کی، تو ان پر ثانوی محصولات عائد کر دیے جائیں گے۔جرمن نشریاتی ادارے ڈی ڈبلیو کے مطابق نیٹو کے سکریٹری جنرل مارک رٹے نے بدھ کے روز برازیل، چین اور بھارت کے لیے دو ٹوک تنبیہ جاری کرتے ہوئے کہا ہے اگر ان ممالک نے روس کے ساتھ کاروبار یونہی جاری رکھا، تو انہیں سخت اقتصادی پابندیوں کا سامنا کرنا پڑ سکتا ہے۔مارک روٹے نے کہا کہ ٹرمپ کے ساتھ معاہدے کے تحت، امریکہ اب یوکرین کو "بڑے پیمانے پر" ہتھیار فراہم کرے گا، نہ صرف فضائی دفاع کے لیے بلکہ میزائل کے ساتھ گولہ بارود بھی اور یورپی ممالک اس کی قیمت ادا کریں گے۔