جلالپور، دریائے چناب میں پانی کا بہائوتیز‘ دریائی کٹائوسے سیکڑوں مکانات متاثر ہونے کا خدشہ

جلالپور پیر والہ (نامہ نگار) دریائے چناب میں پانی کا بہائوبڑھنے کے بعد موضع رپڑی میں دریائی کٹائو بڑھتا جارہا ہے، کئی ایکڑ کاشتہ رقبہ میں پانی داخل ہو گیا ہے اور چند مکانات بھی پانی کی زد میں آ گئے ہیں، صورتحال سے پریشان مقامی لوگوں کا کہنا ہے کہ حکومتی اداروں نے مشینری کے ذریعے پتھروں اور مٹی وغیرہ سے حفاظتی بند بنا کر کٹائو کا سلسلہ نہ روکا تو خدشہ ہے کہ 800 سے زائد مکانات سیلابی پانی سے متاثر ہو ں گے، گزشتہ روز اسسٹنٹ کمشنر جلال پورذوالفقار علی خان نے بھی سیلاب زدہ علاقوں کا دورہ کیا اور تحصیلدار عبدالباسط سول ڈیفینس اور ریسکیو اہلکاروں کے ساتھ گزشتہ رات سے ہی متاثرہ علاقوں میں موجود ہیں، جمعرات کی سہہ پہر کو ڈپٹی کمشنر ملتان نے بھی متاثرہ علاقوں کا دورہ کیا ۔