کمشنر ملتان کا کبیروالا کا دورہ شجر کاری مہم کا افتتاح

کبیروالا (نامہ نگار)گرین کبیروالا شجرکاری مہم تحصیل انتظامیہ کا احسن اقدام ہے، شجر کاری میں کمیونٹی اور انتظامیہ کا اشتراک خوش آئند ہے ،ان خیالات کا اظہار کمشنر ملتان عامر کریم نے گزشتہ روز گرین کبیروالا شجرکاری مہم کی افتتاحی تقریب سے خطاب کرتے ہوئے کیا،کمشنر ملتان‘ ڈی سی خانیوال ڈاکٹر سلمی ٰسلیمان، ایم پی اے رانا محمد سلیم، ایم پی اے اسامہ فضل اور اے سی رانا عامر لیاقت نے شہریوں کے ساتھ بیک وقت لیڈیز پارک میں پودے لگا کر مہم کا افتتاح کیا،انتظامیہ کے مطابق  تحصیل کبیروالا میں50 ہزار پودے لگانے کا ہدف مقرر کیا گیا ہے‘ بعد ازاں کمشنر نے ڈمپنگ  پوائنٹ‘ پیرا آفس ، لینڈ ریکارڈ آفس، تحصیل ہیڈ کوارٹرہسپتال سمیت دیگر مقامات کا دورہ کیا۔