کوٹ ادو، مضر صحت گوشت کی گاڑی برآمد،کراچی سپلائی کیا جا رہا تھا

کوٹ ادو (نامہ نگار)مدینہ چوک سے مضر صحت گوشت کی گاڑی برآمد،بدبودار گوشت مچھلی کی پیکنگ میں چھپا کر کراچی سپلائی کیا جا رہا تھا، تفصیل کے مطابق سپیشل برانچ نے کارروائی کرتے ہوئے مدینہ چوک سے مضر صحت بڑا گوشت برآمد کر لیاجو کراچی سپلائی کیا جا رہا تھا،سپیشل برانچ کی ٹیم نے لائیو اسٹاک محکمہ کو فوری اطلاع دی جس پر ویٹرنری عملہ موقع پر پہنچا اور معائنہ کرنے پر گوشت کو مضر صحت اور بدبودار قرار دیا،واقعے کے بعد فوری طور پر قانونی کارروائی کا آغاز کرتے ہوئے پوری گاڑی کو پولیس کے حوالے کر دیا گیا اور ملزمان کے خلاف کارروائی کاآغازکردیا۔