غیر قانونی نجی پریکٹس؛ نشتر ہسپتال کے 12 ڈاکٹرز کے خلاف کارروائی کا حکم

ملتان (سٹاف رپورٹر) حکومت پنجاب نے نشتر ہسپتال ملتان کے 12 ڈاکٹروں کے خلاف غیر قانونی نجی پریکٹس اور لاکھوں روپے این پی اے (نان پریکٹسنگ الاؤنس) وصول کرنے پر کارروائی کا حکم دے دیا ہے۔یہ کارروائی چیف منسٹر پنجاب کی ہدایت پر محکمہ سپیشلائزڈ ہیلتھ کیئر اینڈ میڈیکل ایجوکیشن کی جانب سے مشترکہ انکوائری رپورٹ کی بنیاد پر کی گئی ہے۔انکوائری کمیٹی نے ان ڈاکٹروں کے خلاف "سنشور کی سزا" کی سفارش کی ہے۔ ان ڈاکٹروں میں ڈاکٹر سعدیہ فیض،تیمور چغتائی۔ شہرام شوکت،سدرہ صبا،محمد سعید ، عائشہ ظہور ، کمال مصطفیٰ ، ندیم منشاء ، فاطمہ ہاشمی ، ایس آر آرتھو ڈیپارٹمنٹ نشتر ہسپتال ،ڈاکٹر انعم زہرہ ،ڈاکٹر مہوش سعید شامل ہیں۔ چیف منسٹر پنجاب نے ممبر بورڈ آف ریونیوپنجاب زوار حسین کو بطور ہیئرنگ آفیسر مقرر کرتے ہوئے متعلقہ ڈاکٹرز کو ذاتی شنوائی کا موقع فراہم کرنے کا حکم دیا ہےاور ان ڈاکٹروں کو ہدایت کی گئی ہے کہ وہ سات دن کے اندر اندر اپنی تحریری وضاحت پیش کریں۔