گھی ملز ایسوسی ایشن نے ملیں بند کرنے کا اعلان کر دیا

لاہور (اپنے نامہ نگار سے ) پاکستان بناسپتی مینوفیکچررز ایسوسی ایشن کی جانب سے گھی ملز ملزغیرمعینہ مدت کیلئے بند کرنے کا اعلان کر دیا جس کے باعث ملک بھر میں گھی کی قلت کا خدشہ پیدا ہوگیا۔ پاکستان بناسپتی مینوفیکچررز ایسوسی ایشن نےکہا ہے کہ کہ اگر حکومت نے ہمارے مطالبات تسلیم نہ کیے تو ملک بھر کی گھی ملز جمعہ کے بعد غیرمعینہ مدت کے لیے بند کر دی جائیں گی، گھی اور کوکنگ آئل کے شعبے میں کسی بھی تعطل کی صورت میں نا صرف مہنگائی میں اضافہ ہوگا بلکہ سپلائی چین بھی متاثر ہوگی جس کے اثرات براہ راست عام صارفین تک پہنچیں گے۔ ایسوسی ایشن کے صدر شیخ عمر ریحان کا کہنا ہے کہ یہ ہڑتال محض ایک دن کی نہیں بلکہ غیرمعینہ مدت کی ہوگی اور اگر مذاکرات ناکام ہوئے تو ملک بھر میں گھی اور آئل کی سپلائی مکمل طور پر بند کر دی جائے گی۔ایف بی آرکی جانب سے گھی ملوں میں اہلکاروں کی تعیناتی نے انڈسٹری کو پریشر کا شکار کر دیا ہے۔