73 ریستورانوں کو مراعات دینے پر پاکستان ٹیکس بار کا سندھ ریونیو بورڈ سے اظہار تشویش

ملتان(سٹاف رپورٹر) پاکستان ٹیکس بار نے سندھ بھر میں 73 ریستورانوں کو دی جانے والی خصوصی مراعات پر شدید تحفظات کا اظہار کرتے ہوئے چیئرمین سندھ ریونیو بورڈ ڈاکٹر واسف علی میمن کو خط ارسال کیا ہے، جس میں مؤقف اختیار کیا گیا ہے کہ ایک ہی نوعیت کے کاروبار کے ساتھ امتیازی سلوک ناقابل قبول ہے۔ پاکستان ٹیکس بار کے صدر انور کاشف ممتاز اور جنرل سیکرٹری محمد ریحان صدیقی نے نشاندہی کی ہے کہ اس امتیازی سلوک سے نہ صرف دیگر ریستورانوں میں بے چینی پیدا ہو رہی ہے بلکہ ٹیکس نظام پر اعتماد بھی متاثر ہو رہا ہے۔ انہوں نے سفارش کی کہ تمام ریستورانوں پر یکساں ٹیکس شرح لاگو کی جائے۔