ٹرینوں کے کرایوں میں اضافہ

لاہور(خصوصی نمائندہ)پاکستان ریلوے نے پیٹرولیم مصنوعات کی قیمتوں میں اضافے کے ساتھ ہی ایک ماہ میں دوسری بار مسافر ٹرینوں اور فریٹ ٹرینوں کے کرایوں میں بالترتیب دو اور تین فیصد تک اضافہ کر دیا ہے۔ ریلوے انتظامیہ نےڈیزل نرخ بڑھتے ہی بوجھ مسافروں پر منتقل کر دیا نوٹیفکیشن کے مطابق کول ٹرانسپورٹیشن کرایوں میں 3فیصداضافہ کر دیا ہےجبکہ مسافر ٹرینوں کے کروائے میں 2فیصد اضافہ کیا ہے کرایوں میں اضافہ کااطلاق 18جولائی جبکہ گڈز ٹرینوں کے کرایوں میں اضافہ21جولائی سے ہوگا ریلوے نےگذشتہ دوہفتوں میں دوسری مرتبہ کرائے میں اضافہ کیا اس سے قبل4جولائی کو بھی 2فیصداضافہ کیاگیا تھا۔